Жэўжык

Паўсухі журавінавы меламель (медавуха с журавінамі) 3-месячнай вытрымкі.

Першы рэліз новага праекту, які будзе займацца не зусім півам, а парою і зусім не півам. Як, напрыклад, гэты першы рэліз, у якім няма ні соладу, ні хмелю, зрэшты як і ўсялякіх цукраў і араматызатараў. Толькі мёд, вада і беларускі цуд — журавіны. Пра назву праекту «Вір» раскажам у іншы раз. Спачатку пра назву рэлізу. «Жэўжык» — боства беларускай міфалогіі, апякун вадаёмаў, у тым ліку балот, дзе растуць журавіны. Значыцца, Жэўжык апякае і журавіны. Да і на аднолькавыя літары яны пачынаюцца. І барада ў Жэўжыка рудая. Жыве боства ў вадзе, на самай глыбіні — у віры.

Бледна-ружовы колер. Лёгкая, шыпучая белая пена. У водары кветкавы мёд, ноты ванілі, чырвоных ягад і белага віна. У гусце мімалётная мядовая слодыч, далікатная журавінава-вінная кіслінка, сухі фініш, саладкава-мяккае пасмакоўе з лёгкай даўкасцю лупіны і костачкі журавін.