Old Ale

Зацікаўленасць піўной гісторыяй вельмі часта прыводзіць нас у незвычайныя месцы. Брытанскія старыя элі — гэта тыя гатункі, каторыя амаль зніклі ў часы, калі сталі звышпапулярнымі стаўты, портэры і, канешне, лагеры. Менавіта гэта нас і прыцягнула. Мы падышлі да пытання грунтоўна, пазнаёміліся з гістарычнымі рэцэптамі олд-эляў і, што самае цікавае, здабылі той самы брытанскі спадчынны солад Chevallier, які выкарыстоўваў амаль кожны бровар з Туманнага Альбіёна ў XIX стагоддзі. Наш Old Ale — цёмны, блізкі да портэраў па колеры, больш моцны, чым звыклыя англійскія бітэры, выразна горкі, бісквітны, прыемна мінеральны, што набліжае яго да класічных бёртанаўскіх IPA і, безумоўна, вельмі запамінальны, бо шмат для каго гэты гатунак можа апынуцца першым олд-элям у жыцці. Cheers!