Белы д'ябал

З некаторых часоў на Бельгію, гэтак слаўную багатымі піўнымі традыцыямі, сталі наступаць еўра-лагера на чале з пілснерамі. І своеасаблівыя бельгійскія піва сталі саступаць па папулярнасці ў вачах і густах звычайнага люду. Тады заснавальнік невялікага, але ганарлівага бельгійскага бровару паехаў у Шатландыю, дзе яго навучылі, як выратаваць бельгійскае піва, і выдалі для гэтага д'ябальскія дрожджы ў бутэльцы. Па вяртанні заснавальнік стварыў піва з адпаведнай назвай «Д'ябал». Людзям спадабалася, але было цяжка. Тады зварылі піва троху лягчэй і святлей, і назвалі яго Бельгійскі блонд-эль.

Залаціста-бурштынавы колер. Шчыльная белая пена. У водары соладава-фруктовая саладосць, цытрусы з лёгкімі мядовымі і рэзкімі нотамі. У гусце соладавая слодыч з апельсінавымі адценнямі плаўна дапаўняецца далікатнай хмелевай гарчынкай з падсушаным, злёгку рэзкім фінішам і саладкаватым паслясмакам.