Vir: Batch #01

Яшчэ калі мы не думалі пра ўласны бровар, а варылі піва дома, мы пачалі пагружацца ў свет дзікіх эляў. Мы знаходзілі розныя штамы, збіралі мікраарганізмы з рознага піва з усёй планеты і нават эксперыментавалі са спантанным браджэннем. У выніку гэтай цікавай і даволі складанай працы ў нас сфармаваўся свой уласны блэнд дрожджаў, педыёкокаў, лактабактэрый і брэтанаміцэтаў, які цяпер мы выкарыстоўваем у адмысловых гатунках піва Malanka. Піва ў лінейцы Vir зброджана менавіта такім чынам. Яно зварана з эйджаным хмелем, вытрымлівалася каля году ў дубовай бондзе з-пад чырвонага віна, а пасля даспявала і дабраджвала некалькі месяцаў у бутэльках.