Мы працягваем у межах лінейкі «Ветразь» выкарыстоўваць пшанічнае піва ў бельгійскай традыцыі ў якасці базы для невялічкіх, але цікавых эксперыментаў. Змяняючы класічныя інгрэдыенты — цэдру апельсіна і каляндру — на іншыя цытрусавыя і прыправы можна зрабіць смак гэтага піва яшчэ больш запамінальным і выразным. У гэты раз акцэнт зроблены на яскравую, але неназойлівую кіслінку, за якую адказныя лімон, а таксама сумах. Гэтая спецыя актыўна выкарыстоўваецца ў кухні Блізкага Ўсходу, дадаючы стравам мяккі акцэнт вінаграднага воцату і каркадэ. Гэтыя ноткі добра падыходзяць да духмянага і аскомістага вітбіра. У выніку атрымалася пеністае піва крыху затуманенага жоўта-саламянага колеру. У паху дамінуюць характэрныя для бельгійскага пшанічнага піва эстэрныя тоны, а таксама дадаткі фармуюць прыемны асвяжальны цытрусавы смак.
Сейчас это пиво не продаётся в барах и магазинах в городе Минск.
