Vietraź: Čorny lajm i kardamon

Нашыя вітбіры — гэта нашае ўласнае поле для акуратных эксперыментаў з класікай. Гэтым разам замест традыцыйнай калянды мы скарысталі наш улюбёны кардамон, а вось цэдру апельсіну вырашылі замяніць на нешта зусім цікавае. Чорны лайм — даволі незвычайная спецыя, распаўсюджаная ў персідскай кухні, і мы падрыхтавалі яе самі. Па сутнасці гэта цалкам высушаныя на жаркім сонцы лаймы (у хатняй дроўнай печцы ў нашым выпадку), якія дадаюць у наш вітбір выдатны пах ферментаваных цытрусавых, кроплю вэнджанасці, а разам з асвяджальным і смольным кардамонам ствараюць цудоўны ў сваёй дзіўнасці напой.