Smuha: Vista

Калі нам у рукі трапляе новы гатунак хмелю, мы робім з ім Смугу. Правіла простае. Гэтым разам мы вырашылі выкарыстаць хмель Vista, які быў выведзены цягам грамадскай праграмы селекцыі хмелю пры міністэрстве сельскай гаспадаркі ЗША USDA, а гэта значыць, што зараз гэты гатунак можа вырошчваць любая, нават самая невялічкая, гаспадарка. У нашым падвойным IPA у стылі ўсходняга ўзбярэжжа Vista цікава раскрыўся араматамі сакавітай дыні, спелага персіка і трапічнай папаі, але з тонкімі асвяджальнымі нотамі мяты і зялёнай гарбаты. Спадзяемся, і вам спадабаецца гэты цікавы эксперымент!