Sciuža: Barbe Rouge

«Сцюжа» — лінейка хрусткіх сцюдзёных IPA, каторыя мы зброджваем у холадзе, як лагеры, але варым і ахмяляем так, як і ўсе нашыя IPA. Гэтым разам за тое самае шчодрае ахмяленне адказвае вельмі рэдкі гатунак — французскі хмель Barbe Rouge. Чысты і асвяжальны смак нашай «Сцюжы» прыемна дапаўняецца араматамі салодкіх кветак ружы і магноліі, малінавага сарбету і лаймавых цукатаў, а яскравая гарката не дае забыцца на тое, што ўсё ж такі перад намі сапраўдны IPA. Наўпрост з халодных лагерных падвалаў у ваш келіх!