Prorva

Падарожжа па сцежках гісторыі можа прывесці вас у незвычайныя і прыгожыя месцы. Упершыню мы марылі аб такім піве ў тыя далёкія часы, калі ўсе нашы думкі былі толькі аб магутным Orval. Час ішоў, піва варылася, але ідэя зрабіць напой, натхнёны Orval, заўсёды лунала дзесьці побач. Гэта піва само па сабе незвычайнае: бельгійскі светлы эль, відавочна інспіраваны брытанскімі элямі (адсюль выкарыстанне брытанскага хмелю і нейтральных піўных дражджэй), але з дадаткам дзікіх дражджэй Brettanomyces. Ці сапраўды гэта старадаўні брытанскі светлы эль, які часта вытрымліваўся ў драўляных бондах і трансфармаваўся дражджамі Brettanomyces у працэсе працяглага паспявання? Цяпер цяжка адказаць на гэтыя пытанні, але наш шлях стаў зразумелым: мы збіраліся зрабіць гістарычны брытанскі светлы эль. Гэты напой мы варылі з дадаткам карамельнага соладу для надання яму прыгожага колеру і бісквітнага смаку, і класічнага брытанскага хмелю для аўтэнтычнасці, але затым адхіліліся ад звычайнага шляху і дадалі не адзін штам дзікіх дражджэй, а сумесь бельгійскіх штамаў для ламбіка. І тут пачалося самае цікавае. Наш светлы эль атрымаўся незвычайным: ён стаў дзікім, дзіўным, трошкі кіславатым, але можа выдатна спатоліць смагу. У гэтага піва шмат характараў, адценняў смаку і гісторый, якія можна расказаць. Так што, калі ласка, сядайце зручней, расслабцеся і выпіце з намі келіх «машыны часу». Будзьма!