Piarevaracień

У нашым новым рэлізе мы вырашылі падвоіць усё: два бровары аб'ядналіся, каб зварыць падвойны аўсяны стаўт у даволі двудушным стане (адгэтуль і назва — «пярэварацень»). З нашымі сябрамi з бровара Coma мы зварылі гэты цёмны і злавесны аўсяны стаўт, дадаўшы да яго іншы, больш мяккi бок — духмяны вішнёвы сок, цёплы шакалад і нашу улюбёную зуброўку, насычаную водарамі арэхаў і спецый, наўпрост з самых цёмных куткоў Белавежскай пушчы. Ноткі вішнёвай наліўкі, слодычаў з цынамонам, горкага шакаладу, абмакнутага ў эспрэса, хаваюцца пад мяккім і таямнічым туманам цёмнай пены. Няхай жа гэтае піва стане вам добрым кампаньёнам у святле поўні.