Pavietra: Idaho Gem

Веснавое паветра пахне асабліва. Мы, калі шчыра, увесь год чакаем гэтых араматаў свежых вечароў, калі яшчэ не зусім цёмна, даволі холадна. На жаль, слоў не хапае, каб апісаць гэтыя незвычайныя водары, падобныя на подых леманграсавага брызу, ледзь саланаватай вады паўночных мораў і тонкіх, амаль празрыстых адценняў кветак чабора. Мы спадзяемся, што наш пэйл-эль у стылі Новай Англіі з гучнай лінейкі Pavietra з цікавым і не такім папулярным хмелем Idaho Gem будзе выдатным кампаньёнам для вашых павольных і настальгічных веснавых вечароў.