Pavaloka: Nelson Sauvin

Мы працягваем даследаванні найсвяжэйшых хмеляў паўднёвага паўшар'я, і гэта прыгода была б не такой яркай без Nelson Sauvin выключна ўдалага ўраджаю 2021 года. Палатном для аднаго з самых незвычайных прадстаўнікоў новазеландскай селекцыі мы выбралі Pavaloka - наш патройны New England IPA. Водар сакавітых спелых персікаў, смак салодкага мушкатовага віна, цудоўны колер свежавыціснутага соку пад беласнежнай шапкай пены, падобнай на вяршковы крэм, ствараюць гарманічнае спалучэнне насычанасці і пiткасцi. Падступства нашых патройных новаанглiйcкіх IPA яшчэ ніколі не было гэткiм свежым і прывабным.