Pavaloka: Citra & Sabro

У нашых пошуках ідэальнага спалучэння хмеляў мы вырашылі выпрабаваць зорную пару Citra і Sabro на базе патройнага New England IPA Pavaloka. Адзін з самых папулярных хмеляў у свете — выдатны Citra — мы аб'ядналі з нашым фаварытам Sabro — карэнным жыхаром узгор'яў амерыканскага штата Нью-Мексіка. У спалучэнні з шчыльнай базай памаранчавага колеру сакавітага і мутнага IPA яны ствараюць непаўторную палітру смакаў свежых мандарынаў, абрыкосавых косткаў з лёгкімі адценнямі салодкага какосавага марозіва і павольнага адпачынку ля мора, паўднёвага ці зусім блізкага.