Paparać: Simcoe

Шаноўнае спадарства, прадстаўляем вам новую лінейку! Абяцаем, што дакладна апошнюю ў гэтым годзе. Але ж мы ведаем, як вы любіце нефільтраванае пшанічнае піва, сухое ахмяленне і незвычайныя гатункі, таму сустракайце: Папараць! Каб гэты рэліз апынуўся яшчэ цікавей, мы зварылі яго ў даволі рэдкім нямецкім стылі моцных зімовых вайцэнаў weizenbock і незвычайным чынам, але вельмі шчодра, ахмялілі яго нашым амерыканскім фаварытам Simcoe. Смак сушаных бананаў, свежай трапічнай маракуі і фантастычных казачных раслін дзіўна пераплятаюцца ў Paparać, дурманяць розум і супакойваюць сэрца. Frohe Weihnachten!