Paca Vaca: Brandy BA

Настальгія — гэта пачуццё, якое сагравае ў самыя складаныя часы. Знаёмы з дзяцінства, таямнічы іншапланецянін Паца Ваца, які выгадаваў цэлае пакаленне маленькіх беларусаў, зноў знайшоў сваё ўвасабленне ў нашым іншаземным гатунку, які мы зварылі разам з сябрамі з Cosmic City. Амаль два гады таму ў нас атрымаўся на дзіва моцны напой, зброджаны японскім блэндам дрождаў і мікраарганізмаў кодзі, з дадаткам ляснога мху і старога хмелю. Менавіта тады частку гэтага напою мы адправілі адпачываць у дубовую бонду з-пад брэндзі, дзе Паца Ваца правёў доўгія гадзіны ў цішы і спакоі, быццам бы ў адкрытым космасе. Але надышоў час, і наш герой дзяцінства вяртаецца са свайго падарожжа, як і калі-небудзь ён абавязкова вернецца на нашыя тэлеэкраны.