Muson: Fiejchoa

Кожны год у разгар сезону свежых фейхоа мы робім адмысловы гатунак з, бадай, самым блізкім да нас экзатычным фруктам. Гэтым разам спалучэнне атрымалася яшчэ больш яскравым, бо мы дадалі вялікую колькасць паўднёваамерыканскіх пладоў да нашага паўднёваамерыканскага catharina sour з лінейкі Muson. Сакавіты, асвяжальны, з незвычайным смакам, падобным на суніцы, гуаву і трапічную жуйку адначасова, наш Мусон падтрымвае добры настрой і летнюю бадзёрасць у зусім ня летні час.