Нямецкі гістарычны стылі піва берлінер вайсэ яскрава вярнуўся з нябыту і ў апошнія гады з’явіўся ў лінейцы прадуктаў амаль кожнага бровара. Цяпер яго звычайна робяць метадам kettle sour, хаця раней гэта піва было выключна змяшанага браджэння з удзелам лактабактэрый і брэтаў. Мы абралі менавіта гэты шлях, як найлепшы спосаб зрабіць аўтэнтычны, складаны і цікавы берлінер вайсэ. Гэта піва зброджана ўласным блэндам дрожджаў, лактабактэрый і брэтаў і даспявала і даброджвала некалькі месяцаў у бутэльках, у выніку чаго атрымала свой унікальны профіль з выразнай кіслінкай.
Адмыслова для ўласнага тапрума мы зрабілі абмежаваную партыю з дабраджваннем у кегах, каб наліць такое ж вытрыманае піва з крана. У келіх можна дадаць сіроп з маліны ці дзярачкі, як спрадвеку рабілі ў берлінскіх піўных.
Сейчас это пиво не продаётся в барах и магазинах в городе Минск.
