Mitrenha: Blanc & Nelson

У новым гатунку падвойнага IPA ў стылі заходняга ўзбярэжжа ЗША пад назвай Mitrenha мы вырашылі выкарыстаць цікавае спалучэнне хмелю з розных бакоў свету — Hallertau Blanc з Германіі і Nelson Sauvin з Новай Зеландыі. Гэтыя гатункі знакамітыя тым, што прыўносяць у піва незвычайныя араматы белага віна, агрэсту і смуродзінавага лісця. У нашым IPA яны стварылі ня толькі прыемны водар маладога мускатнага віна, але ж і дзіўны смак лімоннага пірагу са спецыямі. Калі вы таксама зацікавіліся — запрашаем пачаставацца!