Maladzik: Višnia

Серыя піва Maladzik прысвечаная спецыялізаваным блэндам з удзелам уайлд-эляў. У гэтым гатунку мы выкарысталі нейтральны малады эль, у які на этапе браджэння былі дададзеныя сакавітыя, кісла-салодкія і такія знаёмыя беларускія вішні. Мы дадавалі іх разам з косткамі, каб перадаць увесь непаўторны смак гэтых ягадаў у першую частку нашага блэнда. Далей гэтае піва было змяшанае з уайлд-элем, які доўга і павольна выспяваў у дубовай бондзе з-пад кальвадосу. Вынікам гэтага блэнду стала складанае піва яскравага чырвонага колеру, з выразным смакам спелых вішняў, тонкімі адценнямі марцыпанаў, збалансавана кіслае і сапраўды захапляльнае.