Да з’яўлення ў шырокім доступе гатункаў аўтахтоннага амерыканскага хмелю з групы neomexicanus Sorachi Ace лічыўся найбольш экстравагантным. Ён быў выведзены ў Японіі ў 70-х, але ў крафтавым піваварэнні стаў вядомым толькі ў сярэдзіне 00-х, калі пачаўся недахоп хмелю ў ЗША і мясцовыя бровары не былі вымушаныя шукаць новыя гатункі далёка за межамі вядомых рэгіёнаў хмеляводства. Sorachi Ace мае нязвыклы пах і смак, які часцей за ўсё характарызуюць адценнямі лімону, гарбаты, але таксама кропу і нават часныку. Ён утрымлівае вялікую колькасць альфа-кісляў, таму найбольш падыходзіць да класічных IPA. Мы выкарысталі яго для нашага новага падвойнага «ўэст-коўста» з лінейкі «Ліхаманка», дзе патрэбныя не толькі выразная горыч, але і цікавы хмелевы профіль. Вынікам стала піва залаціста-бурштынавага колеру са стойкай белай пенай. У паху дамінуюць цытрусавыя і вострыя адценні з ноткамі лугавых зёлкаў і кінзы, смак насычаны, соладавы з чыстай горыччу, якая ў паслясмаку пакідае лёгкую аскомістасць.
Сейчас это пиво не продаётся в барах и магазинах в городе Минск.
