IV

Час ляціць няўтомна. Вось ужо чатыры гады як наш бровар даследуе свае межы магчымасцяў у піўным свеце, і на чацвёрты дзень народзінаў мы вырашылі трошкі пасунуць гэтыя самыя межы. Наш святочны гатунак — наймацнейшы чацвярны West Coast IPA, які мы ахмялілі неверагоднай колькасцю хмелю цікавага гатунку Strata з моцным водарам суніцаў, надзейнага хвойна-трапічнага Simcoe і надзвычайна араматнага Simcoe Cryo. Гэта, без сумневаў, самы ахмялённы і самы моцны наш IPA, і мы спадзяемся, што вам будзе настолькі ж смачна яго піць, як займальна было нам яго варыць. Cheers!