Ці існуе ідэальнае барнае піва? Напэўна, кожная краіна мае свой асабісты адказ на гэтае пытанне. Але сёння мы вырашылі звярнуцца да той культуры, дзе піўны паб — гэта неад’емная частка жыцця. Гэта, безумоўна, Англія, з каралём лакальных пабаў — Extra Special Bitter. Наш звышспецыяльны бітэр звараны з ужываннем кантынентальнага светлага соладу, россыпу спецыяльных саладоў, у тым ліку бісквітнага, які мы зрабілі самі, каб дадаць прыемнае адчуванне свойскасці ў гэты заморскі спецыялітэт. Тыпічныя брытанскія гатункі хмелю Fuggle і East Kent Goldings падкрэсліваюць салодкія водары ранішняга пшанічнага тосту з апельсінавым джэмам, пах вільготнай глебы ў арэшнікавым гушчары і дадаюць тонкі арамат веснавых кветак разам з легкай і збалансаванай гаркатой у наш бурштынавы англійскі эль. Cheers!
Сейчас это пиво не продаётся в барах и магазинах в городе Минск.
