Chaliera: Idaho 7

Мы доўгі час абміналі ўвагай хмель Idaho 7, але, нарэшце, вырашылі пазнаёміцца з ім бліжэй. Гэты гатунак названы ў гонар роднага штату, а ягоны профіль характарызуецца трапічнымі тонамі, сярод якіх пераважаюць адценні абрыкоса, апельсіна, грэйпфруту, папаі, а таксама ноткі хвоі і чорнай гарбаты. Гучыць аптымальна для IPA і цудоўна пасуе да нашых гатункаў у серыі Chaliera. Гэта піва празрыстага жоўта-бурштынавага колеру, у хмелевым паху адчуваюцца ўласцівыя для Idaho 7 характарыстыкі, смак соладавы з чыстай і выразнай гарчынкай, якая надоўга застаецца ў паслясмаку.