Chaliera: Citra

Во халера! Malanka зварыла звычайны IPA! Першы адзінарны IPA максімальна падобны на нашыя цудоўныя падвойныя і патройныя IPA, але значна лягчэй: тут таксама шмат хмелю, яскравы пах і насычаны хмелевы смак, затое менш алкаголю. Піва мае чысты саламяны колер, стойкую белую пену і выразны смак. Дзякуючы топаваму хмелю Citra у напоі праяўляецца характэрны пах з тонамі лімоннага джэму і цэдры лайма, а таксама трапічныя адценні і пікантныя ноты свежай мяты.

Назва вас пужае ці дзівіць? Мы проста працягваем «хваравіты» ланцужок хмелевых гатункаў, які пачаўся з ліхаманкі. Калісці горкі настой з хмелю выкарыстоўваўся для лячэння малярыі і іншай трасцы. Наша піва такое ж горкае і выратавальнае.