Best Bitter

Мы зноў звяртаемся да брытанскай класікі, і гэтым разам выпускаем, бадай, самы папулярны гатунак піва ў гэтай краіне — Best Bitter. Менавіта гэтае піва мы ўяўляем, калі думаем пра ўтульныя, цёмныя брытанскія пабы са старой мэбляю, драўлянай рыпучай падлогай і прывабнымі сесіённымі каскавымі элямі. Наш бэст бітэр — гэта дакладна не тое піва, якое ўразіць сваім незвычайным смакам. Ён просты, зразумелы, лёгкі, але між тым насычаны і збалансаваны. Мы шчыра спадзяваемся, што гэты маленькі паб-эль дапаможа вам зрабіць маленькае гастранамічнае падарожжа на Туманны Альбіён.